Image
image
image
image



 


GOVERNOR’S LIVE PRESS CONFERENCE

FEBRUARY 21, 2014, @ 11:00 a.m.

LARGE CONFERENCE ROOM

 

IRE ORALAP AKAN

__________________________________________________________________

 

Ipahn saihr issue de ireh kei me anahn weipokon en Pohnpei en mwangih pwehki eh saihr sapwenlimoatail pwukoh oh ieias.

 

Ire keieu, eh pid seradahn sohp Ping Da #7.

 

Pisetik en tepin doadohk en apwalihada kahpwal en seradahn sohp pwoatet sansal ohng ehr weipokon nan  ei kapahrek ieng tohn Pohnpei oh  Legislature Kewelipak.

 

Ire depe me kapw me imen saihr rahn wet:

 

  FSM Congress kamanalahr koamwomwadahn kosonned ehu ni supplement me pahn kihda million en mwohni riauh $2 pwehn apwalih doadohk karos me pahn doke seradahn Ping Da #7 oh kosonned wet mihmiher rehn President awiawih ah kamanaman de soh kamanaman.

 

  Tohn sohp wenemen 6 pwuralahr China oh China Embassy me pwaihn irail. Irail pwukat sohte pahn anahn pwe ren wia souhn kadehde ni ansouhn kopwung ah pahn wiawi. Iei kahrepe wet me re pekederkilahr.

 

  Ni January 13, 2014,keralahn oil miehier sang sohp pwotet.

 

  Ih kalohkidahr ni January 21, 2014, me Pohnpei ketier nan iraihr en kahpwal laud sang ni ah miehier tank me olahr oh kangkakerehla oil.

 

  Compani riauh me mihmi Pohnpei kapdolongehr ara pet en kauhdi keralahn oil oh kamwakidasang oil nan tank kan me mi nan sohp oh Adams Brother me alehdier bid wet.

 

  Nialem, February 7, 2014, Kulok 5 nisoutik, ABCOR tapiadahr pump ih  sang industrial fuel oil nan sohp oahng nan drum kan me pahn uhd kohdieng nan barge de rahp pwehn wesikla oh nekinekla wasa me koasondi. Update repwoht as of Fridaty, February 21, 2014, en doadohk wet me sansal pah:

 

Wen me mie ni ansou me serada                   me pump sangehr         luhwehdi

 

Industrial fuel oil       - gal.   21,677.0             gal 21,677.0                     0 gal.

Diesel oil                 - gal. 194,715.4             gal 5,353           189,362.4 gal.

Lube oil                   - gal.      2,133.6             none

Gasoline                  - gal.         212.0             none

Ammonia                - gal.      1,849.4             none

Hydraulic oil   - gal.         264.2             none

 

  Weliepen company me kin kak apiedi sohp kan sang wasa me re serada ie lelodohr Pohnpei oh dawiher Ping Da #7, pwehn koakonepene ehu plan en apiedi sohp pwotet. Compani wet mi Cairns, nan Wein Australia oh eh adaneki Titan Salvage.

 

  Mie sohte dokpeneh kei pwarada me elehda ei mihting iengehr FSM President ni 7 en February oh iren pah kan me pweida nan mihtingo:

 

  Koperment Lap en FSM me pahn tiengki doadohk karos me pid seradahn sohp.

 

  FSM Fask Force me kokouda sang ni en President en FSM Executive Order en December 13, 2013, wekideklahr oh Kempa en Mwohni, Attorney General oh DCO en Pohnpei ahr towedahr President’s Task Force.

 

  Koperment Lap pahn pwukohki epwelpen isaihs kan oh inouhn apiedih sang sohp pohn pahna.

 

  Koperment en Pohnpei pahn kesehki Koperment Lap en FSM oh Task Force ah plan en kamwakid sang fuel pohn shop oh epdihn sohp sang pohn paihnahn parem pei ni wiepe me pahn sohte kawehla lauhd mad de paihna. Fask Force pahn tehk plan me pahn kepdolong.

 

  Task Force pahn pwukohki pekeder peseng en Request For Proposal RFP.

 

Ire keriauh, eh pid Micro Game en 2014.

 

         Lt. Governor, Hon. Marcelo Peterson me wia 2014 Micro Game Preparation Coordinating Committee Chairman kasalehda me million $1.7 me pahn anahn pwe Pohnpei en kak apwaliheki Micro Game 2014. Wen mwohni de tehtehn doadohk me miehier mihmi ni million $1.3, oh dahme saihk dierek iei silopw, welinen, limekid, $385,00.  

 

  Sawas en mwohni ieu alahldier sang Embassy de Peoples Republic of China me we mihmi ni tala rialopw $200,000.,pwehn wiahda wasahn mwadong COM, National Campus me wia kisehn kaunop en Micro Game 2014.

 

  Ih kadar ohnger Legislature pekpen tala wenlopw, isikid, limopwuki rieisek weneuh, sent paisek siluh, ($607,526.43) pwehn apwalih PICS Track and Field Phase I. Pekpek wet kapwukohienger Committee en Finance oh Health and Social Services.

 

  Miehier pekipek me ih kadar ohng 8TH Legislature pwe ren kak kamanahda pelien sapw ieu Palikir pwe Embassy en China en kak sondi loale oh re pahn kasapahl kalahngan ohng Pohnpei kamwahuiala wasahn mwadong karos mwohn Micro Game en July en pahret.

 

  Pohnpei State Athletics Committee (PSAC) iei me pwukoahki koaunopdah kan iangahki diarada souhn mwadong kak kan me pahn welian Pohnpei nan Micro Game 2014. Sub-committee siluh 3 me kokoudahr pahn committee lauhd PSAC, oh sub-committee kan me iangahki:

 

  Sport Sub-committee

  Marketing oh Finance Sub-Committee

  Logistic Sub-committee.

 

  Fund raising kin wiewiawi oh pil mie pekipek kapdolongehr ni Koperment Lap, me iei FSM Nahtional Government.

 

  Pohnpei State Athletes Committee oh ah Sub-committee kan kin mihting Nialem en wihk koaros pwehn tehk dahme wiawidahr, oh kosonehdi pwukoh kapw kan.

 

Ire kesiluh, eh pid sapwenlimen Pohnpei State Strategic Development Plan SDP de Plan Lap en Kakaihrada Wehi.

 

  SDP anahn pwehki sepwildihn mwohni me wiewiawi oh pahn solahr sawas en Compact tepda ni 2023 kohla. Ansoau mwotomwot luhwehdier, oh epweldahn plan lap en wehi wet inenen anahn pwehn kaunopkitailda.

 

  State Strategic Development Plan wet kaweihd wiepen kekeihrdah kan, ahpw kitail en kolokol lingan oh audepen sahpw oh sehd oh sapwenlimetail tiahk. Ehupene oh koadokehda plan wet anahne pwehn mwahu oahng sapwenlimetail serih kan nin duwen dahme kitail pwungki oh kasik en pweida.

 

  Sang ni kamanamanlahn nohnohn plan en Pohnpei - Pohnpei State Strategic Development Plan (PSSDP) ah wiawiher, perekwehn pwukoh kan me pahn kapwaiada plan wet anahn mehlel.

 

  Koadohkehda wahn plan wet pahn duwehtoa ehupene me miehier oh utuht pohn semen kan me pahn mie iangahki NGO kan.

 

  Me sansal pah iei wiepen atail pahn mwekidla mwohtail pwe kitail en kaihmwsakala koasondih kan me pahn kamwerehdi wah mwahu kan me sansal nan sapwenlimetail plan:

 

  Keieu, pepeuhslahn conservation NGOs oh Pohnpei Environmental Protection Agency ohng matrix kan nan SDP anahn. Sang ni pweidahn doadohk kan me pali pwukat wiadahr ohng pali en nahk , arail kaweihd pahn sawas mehlel.

 

  Keriauh, nan souhnpwong kan me pahn wadedo, program en kapeseh kan pahn wiewiawi, mehlel ohng pali en tiahk, legislature, ohpis kan, ngo kan oh me keieu kesemwpwal tohn Pohnpei.

 

  Kesiluh, ih wewehki kesemwpwal en ire tohtoh kan me kitail ketin sohsohpai, oh sang ni wehwe wet ih perenkihda atail pahn tialahng nan kapaih kan me pahn sang palien tourism nin duwen iroihr en World Park, pwehn kakehlahla paih en wehi, kapikada doadohk tohto pwehn katikala kahpwal en sepwsepwildihn wasas en tehtehn sent me sang ni Inouhn Minimin Saledek mehlel kohkolahng ni 2023.

 

  Ire kapahieu, ma pweidahn doadohk en kapikada wahn SDP mie kitail pil pahn sewesehki riatail wehi teikan nan FSM oh ma epahn mwahu ah plan wet kak ehu rahn wiahla koasondihn FSM unsek. Kitail anahne utuhtpene ohng kahrepe ehu, pwehki utuhtpene iei me kin elehda enginkehlap.

 

  Kelimauh, mengeilahn mehn kapese pene sampah me kin sewesehda kekeihrdahn wehi wia mehn doadohk kehlail me pahn kahredohng kitail pweidahn pesines en tourism. Pwehki wehwe me mie State en Pohnpei daperedier oh naihnkiher internet URL pwehn sewesehda doadohk en World Park, iei Worldpark.fm.

 

  Kawenuh, miehier kamwomwadahn kosonned ieu me saihk alehdi kamanaman en legislature me pahn kawada kopwoulap ieu me pahn adaneki World Park Trust Fund. Anahn mehlel komwomwadahn kosonned wet en alehdi kamanaman nan legislature. Ipil men ansou mwahuki oh kapesehieng koaros rahn wet me mie aramas riemen  inoukidahr me ira pahn sewese trust fund de kopwou wet. Met iei kisehn elen sawas en mwohni de tehteh kan me pahn kak mwerodohng  kitail.

 

  Keihmwsekla, eman emen kitail ni atail wia mehn Pohnpei kak katehda mehkot lauhd nan doadohk wet. Ni mehlel, se sohte kak kelehpwki pwukohn koadohkehda plan wet. Dahme emen kak wia, en iang towehda SDP/ World Park meeting kan nan omw wehi de eker Koperment en Pohnpei oh diarada dahme ke kak sawaski nin doken atail mwekimwekid wei.

 

  Ih pahn kasik kumwail nan souhnpwong kan me pahn wadedo nan ansou me kitail pahn kaimwsakala doadohk en apwalihada wah mwahu en plan.

 Ire kapahieu, eh pid Kesepwildohn Manaman en Imwanikihla Ihmw oh Ahnkihla Paip en Pihl .

 

Ni February 11, 2014, FSM Secretary en Kempa en Mwohni oh Administration oh Kepina en Pohnpei saihnlahr oh kamanalahr kesepwil en manaman en imwanikihla ihmw oh ahnikihla paihp en pihl ohng Pohnpei Koperment, iei me iangahki:

 

  Nahnpei Memorial High School me mihmi ni $1,713,061.32

 

  Kolonia Elementary School oh Madol. High School me mihmi ni  million $3,036,970.85

 

  Nett, Saladak, oh Sapwalap Elementary School me mihmi ni million $6,399,818,.20

 

  Sekere oh Nahnpei Memorial School Waterline me mihmi ni million $1,558,931.78

 

  Ni kapatpenehr karos wiadahr million eisek riauh, isilopw waluh, isipwuki welihsek riauh, sent eisek limauh ( $12,708,782.15)

 

  Wereihn ihmw oh paihp en pil pwukat oh mwahuirail, me mwahu mehlel.

  Kesepwildohn ihmw pwukat oh paihp en pihl kahrehieng sapwenlimen Pohnpei Fix Assets ah lauhdkihla percent 40%.

 

  Ansouet dipwsou de dahme Koperment en Pohnpei ahneki ma pahn kepidek ieng ni mwohni pahn mihmi ni million $31,484,902.00

 

  Dahme Koperment Lap kasapwildohng Pohnpei Koperment pwe en ahnikihla nan souhnpwong et ma pahn kepidekieng ni mwohni pahn mihmi ni million $12,708,782.15

 

  Me Pohnpei Koperment sapwenlimaikiher mwurin kesepwildohn imwen skuhl kan oh paihp en pihl ma pahn kepidek ieng ni mwohni pahn mihmi ni million $44,192,684.15 

 





Contact us for more info


image


image

imageWelcome to the Governor of Pohnpei Website........>Kaselehlie......>Pohnpei Met!
image