Image
image
image
image


PohnpeiMet Radio Program 6-2-2015


IRE KEIEU:  Kepina Ehsa Iangehr Towehda Kesepwil Skuhl Kan.

 

Kepina Keieu, The Honorable John Ehsa luk oahngehr oh iangehr towehda kesepwil skuhl kan me sansal met:

 

1.    Senpehn ECE Center - Madolenihmw

2.    Wone Elementary School - Kitti

3.    Saladak Elementary School - U

4.    Parem Elementary School - Nett District

5.    Sapwalap Elementary School - Madolenihmw

6.    Pohnlangas High School - Madolenihmw

7.    PICS High School, oh pil 

8.    NMHS High School - Kitti                                                                     

 

Skuhl kan me Kepina sohte lel pwehki arail rahn oh kulok en kesepwil peiaiengada rahn oh kulok en kesepwil skuhl kan me eh towedahr, weliepen Kepina me patohng skuhl pwukat.

 

IRE KERIAUH: Chairman en 2015 FSM New Leadership Inauguration Committee peki Kepina Ehsa en Sawas.

 

Kepina Ehsa alehdier kisin likou kis sang Mr. Peter Sitan, Chairman en 2015 FSM New Leadership Inauguration Committee me peki en Kepina sawas ohng pilpildahn weliepen Pohnpei ohng nan Committee en Inauguration.

 

Chairman Sitan kasalehda me FSM National Government sohte kak kelehpwki pwukoh kesemwpwal wet ma sohte sawas pahn kohsang State en Pohnpei oh municipal koperment kan en Pohnpei.

 

Chairman Sitan kosoia me pahn mie kesikpen lapalap tohtoh kei sang likin FSM oh pil nan FSM pahn pwarek Pohnpei nan ansouhn inauguration de kasarawi  wet pahn wiewiawi. Security, mehn peidaihd, oh koasondihn mehn epwel teikan pahn anahn oh Committee pahn anahne sawas sang Wein Pohnpei.

 

Chairman Sitan peki Kepina Ehsa en sawas kamanahda tohn doadohk en nan Kempa, ohpis, oh agency kan en Pohnpei pwe ren iang utung oh sawas nan doadohk en koaunop kan me pahn wiawi.

 

Kepina Ehsa utungadahr en Chairman Sitan ah pekipek oh idihada irail pwukat pwe ren nanpwunge Committee oh Ohpis en Kepina ohng ireh kan me Pohnpei pahn kak sawaski.

 

1.    Mr. Heinrick Stevenson, Public Affairs Officer, Team Leader

2.    Mr. Kerly Araceley, Chief of Police, Towe

3.    Ms. Kukilynn Gallen, Administrative Officer, Pohnpei Visitors’ Bureau, Towe

4.    Mr. Edgar Santos, Administrator, Kempa en Roson Mwahu, Towe

5.    Ms. Suannrita, Protocol Officer, Towe

 

Weliepen Pohnpei pwukat pahn kin iang towe mihting en 2015 Inauguration Committee oh ah Sub-Committee kan oh ropworopwohtkidohng Kepina anahn kan me Wein Pohnpei kak sawaski.

 

 

 

 

IRE KESILUH: Kepina Ehsa Alehdi Kisin Likou Ieu Sang His Excellency Peter M. Christian.

 

His Excellency Peter M. Christian, ni May 14, 2015,  kadar ohng Kepina Ehsa kisin likouhn pek sawas. President Christian kosoia nan ah tungol kisin likoau, “ nin duwen ata kosoipene nan telephone rahn wet, Koperment Lap en FSM peki keseudahn ekei tohn doadohk en MV Micro Glory pwe ren iang doadohkla pohn weren FSM sohp kapw me adaneki MV Four Wings. Eh pil doula oh kosoia nan ah tungol kisin likou, kisehnte  ata kosokosoipeneh kan nan telephone, iei me tohn atail tungoal wehi keieu anahnedahr weretail sohp kapw en tepda sahpis ni ansou mwadang oh konehng oh ipahn kapingki mehlel ma komw utungada anahn ieu omwi ohpis en peupeusehwei epwel pen pweinen tohn doadohk pwukat ohngete ansou mwotomwot, pwe sen kak mwadang rapakihda tehtehn reimburse de welian ohng Pohnpei dahme eh pwaihnkihla irail tohn doadohk keseuda pwukat.

 

President Christian kaihmwsakala ah tungol kisin likou ni ah kapeseh ieng Kepina Ehsa me Kempa en TC&I nan Koperment Lap en FSM me pahn welian ih ohng iren kapehse pisetik kan me pid anahn wet.

 

IRE KAPAHIEU: Alahldi en mehn Kapehse Dehde Sang ni Ohpis en FSM National Election Director.

 

Ohpis en Public Affairs nan Pohnpei alehdier mehn kapehse dehde sang ni Ohpis en FSM National Election Director me pid mwaren irail candidate kan ohng sehr en At-Large de souhnpar pahieu me tehndar nan FSM Congress ohng Wein Pohnpei oh Kosrae. Usuhs tohrohr wet pahn wiawi July 1. 2015, nan Wein Pohnpei oh Kosrae.

 

Keirekdihn mwarerail nan kisin likouhn usuhs idawehn irekdihn mesen inting ohng keieuhn ahd.

 

Sang Wein Pohnpei

 

1.    Churchill B. Edward

2.    David W. Panuelo

3.    Dion G. Neth

4.    Dionisio Dionis E. Saimon

5.    Ginger P. Mida

6.    Jack E. Yakana

7.    John Ehsa

8.    Magdalena A. Walter

9.    Selestino L. Marqauez

 

Wein Kosrae

 

1.    Alik L. Alik

2.    Bob H. Skilling

3.    Gibson T. Siba

4.    Kenye H. Livae

5.    Steven L. George

 

IRE KELIMAUH, oh KEIHMWSEKLAHN IRE:  Congress Ke-eisek Duwauh en FSM Kamwakidehr Ekei En President Christian Idihdah Kan.

 

Nin duwen rohng dehde me Ohpis en Kepina alehdier, irail idihdahn President pwukat alehdier kamanaman en Congress Ke-Eisek Duwauh.

 

1.    Mr. Marion Henry sang Chuuk, alehdier kamanaman en FSM Congress ohng pwukohn Secretary de Kaun en Kempa en Kakaihrada Elen Paih kan me en FSM.

 

2.    Dr. Rufino Mauricio sang Pohnpei, alehdier kamanaman en FSM Congress ohng pwukohn Director de Kaun FSM Ohpis en National Archives, Cultural oh Historic Preservation.

 

3.    Mr. Andrew Yatilman sang Yap, alehdier kamanaman en FSM Congress ohng pwukohn Director de Kaun FSM Ohpis en Environment and Emergency Management.

 

4.    Mr. Joses Gallen sang Pohnpei, alehdier kamanaman en FSM Congress ohng pwukohn Attorney General oh Secretary de Kaun en FSM Department of Justice.

 

Eh pil sansalodo me idihdahn President Christian teikan me pekederiengehr Congress ahpw saik ale kamanaman pahn epwel nan mihting tohrohr mwurin met. Irail pwukat iei me iangahki:

 

1.    Mrs. Sihna Lawrence, en wia Secretary en Kempa en Mwohni

2.    Mr. Kalwin Kehpas, en wia Secretary en Kempa en Skuhl

3.    Mr. Denis K Yamase, en wia Soun Kopwung Lapalap en Mwoalen Kopwung Ileile en FSM

4.    Mr.Jessie Giltamag, en wia emen tohn Micare Board of Directors, oh Ricky Cantero, en welian Koperment Lap nan FSMTC Board of Directors

 

 

Kalahngan, oh komw kin ketin kapakapaidoke sapwenlimomwi de omw tungoal radio pwe komwi en ketin de patowen iang kit nan ehu soangen radio program wet me pahn patohdo mwuhr me pan kin kasalehda ire oralap kesemwpwal kan me mwekimwekid nan Ohpis en Kepina.

Met kaimwsekalahr  Pohnpei met program number 6-2-15. Ma mie sapwenlimomwi de omwi iren keinemwe de kalelapak, komwi kak moalpe de eker telephone de dengwa #320-2570, de ohpis kan me kin pwukupwukohki ehu ehu ire oralap kan me sansalehr nan radio program wet.

Kaselehlie.

 

 




Contact us for more info

image
 

image

imageWelcome to the Governor of Pohnpei Website........>Kaselehlie......>Pohnpei Met!
image