image
image
image


PohnpeiMet 3-27-15



IRE KEIEU:  School Bus Kapw Kan.

 

School bus limwpwot 5 me alahldier pwehn wia mehn peidahid ong tohn skuhl en high skuhl kan kesepwiliengehr Kempahn Kamaraihn nan sounpwong en February oh bus limwpwot 5 kapw koaros wie tangatangehr. Pwehn sansal meh riahu doadoahk ohng high school en Madolenihmw, riapwot 2 ong high school en Kitti , oh epwoat 1 ong PICS high school. 

 

Kahrepen bus pwukat ah alahlda me tohto, ahpw keieu kesemwpwal sang koaros pwehn kalelehla serihn skuhl en high skuhl kan ni imwen school kan mwohn school awa me skuhl kin tepda oh pil kapwureiraila ni arail tungol ihmw kan mwurin school. Met wia ire kesempwal pwehki sou itar en mehn peidahid ah elehieng  serih kan ahr kin pwendehla kulok en tepdahn school oh pil apwalih serih kan me kin sepasapaldoh sang wasa doh kan.

 

 

 

IRE KERIAU:  Kasarawihn Sign Inoauhn Doadohngki Grant de Mwohni.

 

Ni March 20,2015, The Honorable John Ehsa, Kepina Keieu iangehr patehng President en College of Micronesia oh Ambassador en Japan, ni kasarawi en mohs en soccer me pato College of Micronesia, National Campus, Palikir.

 

Embassy en Japan swesehkier College of Micronesia wen sent ieu me pato pato ni wen tala lopw, rienen, duwekid, limepwuki weneisek duwauh $129,569. pwehn wiahda mohs wet nan COM National Campus, Palikir. Project wet me kesempwal pwe epahn sewese mehlel doreh sang aramas soumwahu kan me wia kahpwal laud nan Pohnpei rahn wet, me duwehte,  soumwahu en suke , mongiong, inta laud de pil soumwahu kan koaros me wia NON-COMMUNICABLE DISEASE. Kitail mwangih me alu, tang, mwekid me pil kin doreh sang kitail songen kepilsalehd kan me sansal pwoe.

 

IRE KESILUH: Kasarawihn Sign Inouhn Doadohngki Grant de Mwohni  me Kohda sang Embassy en Japan Pwehn Kelehdi Elementary School en Kolonia.

 

Ni March 23, 2015, Keriau en Kepina, Honorable Marcelo Peterson weliandier Kepina Ehsa oh patehng kasarawi de signing ceremony en inoauhn doadohngki mwohni ieu me Embassy en Japan sapankihda pwehn sewese kelehdi Kolonia Elementary School. Embassy en Japan sawaskihda talla  duwenen, pahkid, epwuki pahisek $94,140.00 pwehn apwalih kamwahuiala kelen Kolonia Elementary School.                                                                    

 

Keriau en Kepina weliandier ih oh Kepina Ehsa wia ara tungoal kaping ong Embassy en Japan pwehki soangen sawas tohto me eh kamwerehdiengehr Wein Pohnpei

 

IRE KAPAHIEU, Kepina John Ehsa Saihnla Kosonned me Kihda Mwohnin Onehda Allap en Pohnpei.

 

Ni Mahs pahieu 4, 2015, The Honorable John Ehsa, Kepina Keieu en Pohnpei, kihengehr ah saihn pohn koamwomwadahn kosonned en Pohnpei de L.B.No. 374-15, oh karehieng komwomwada wet ah wialahr Kosonned en Pohnpei de S.L.No. 8L-66-15.

 

Kosonned wet kamanahda talla wenen, silikid, silipwiki $63,300., pwehn onehda piris me pato Palkoalloau, nan Wene, Kitti. Piris wet wia kisoahn piris kan me pato pohn allap en Pohnpei.

 

Soangen doadoahk kan me mwohni wet pahn wia iei me iangahki, kamwakelehda ni keilen piris de calper, kainenehla culper me pireklahr, kapatahieng culper kapw kei, kakehlakahla keilen culper kan, oh kiheng pave kapw pohn culper kan me ohla.

 

Kaselehlie, met kaimwsekalahr  Pohnpei met program number 3-27-15. Ma mie omwi peidek ong ire kan me sansalehr komwi kak call telephone number 320-2570.






Contact us for more info


image


image

Outer Island Chiefs and Executive Officers Deliberate on their Pressing Issue...read more=>

Petition to assist with the Dissemination of Election Information...read more=>

imageWelcome to the Governor of Pohnpei Website........>Kaselehlie......>Pohnpei Met!
image