Image
image
image
image


Pohnpei Met Radio Program
 


Pohnpeimet Radio Program iei program ehu me wiawihda pwehn kehkehsehki tohn Pohnpei ire oralap kesemwpwal kan me wiwiawi nan Ohpis en Kepina de me Pohnpei sohsohpai nan rahn pwukat. 

Ire Keieu, Pidada Seisumwumw.

Kaun en Kempa en Sahpw oh Paih en Wehi, kadar ohng ehr Kepina schedule de kosondihn seisumwumw. Pet en alehda sumwumw kalangadahr ni July 2, 2013. Permit pahn kakehr kohda ohng irail kan me men iang saihk sumwumw nan wihk kapahieu en July. Nan wihk keieu en souhnpwong en August,iIrail kan me pahn pwukohki kasawih sumwumw pahn mwesel lahng wasah kan me kosondi me keseu sumwumw pahn wiawi ie oh onohnop rahn en seisumwumw oh keseu sumwumw ah pahn pakair. Seisumwumw oh keseu sumwumw pahn wiawi nan wihk keieu de keriauh en souhnpwong en August. Nan wihk keriauh de kesiluh en August iei keimwseklahn keseu sumwumw oh pweipweidahn sumwumw. 

Size en sumwumw pahn inch 3 lel inch 4. Tikitik sang inch 3 oh laud sang inch 4, sohte pahn alahlda. Peuhn sumwumw kan pahn tenek pak riauh, ni ah wisekesek oh ni ah madekengdahr. Apahn mie wasahn keseuh 8 pahn kosondi, ehu pohn ehu municipality me mie sumwumw. Ehu permit pahn alahlda sang ni Kempa en Sahpw ni $2. ehu pwe ken kak iang ale mweimweihn seisumwumw.  

Seiseisumwumw en met wekisang mehn rahnteio, sohte me pahn saihk nan wasahn nahk kan me kosonned kosonehdi. Ohng me pahn iang ale sumwumw, ten 100 me mweimwei doke me kak seiseida. 

Pakair me doke rahn en seisumwumw pahn wiawi awa 24 mwohn rahn me pahn koasondieng seisumwumw. 

Ire Keriau, Kepina iang towehda meeting en Micronesian Presidential Summit Palau

Niehd en July 8, 2013, Kepina John Ehsa ketdahsangehr Pohnpei ohng Republic en Palau pwehn iang towehda Micronesian Presidential Summit (MPS) mihting lap oh kesemwpwal me kin tehk ireh kan me pahn kin kapwaiada ieias de mouhr mwahu en tohn wehi kan me mi nan Micronesia de palimese en Pacific. Luk pil kin lel ohng Kepina koros nan Micronesia pwe ren kin iang towehda. 

Ire Kesiluh, Acting Kepina, Honorable Marcelo Peterson Iang towehda Open House me wiawi Pohndeke Pakihn.

Nikaunop en July 13, 2013, pwehki Governor, Honorable John Ehsa ah ketilahng Palau, Acting Governor, Honorable Marcelo Peterson, Administor en Transportation and Infrastructure Office, Mr. Fredrico Primo iangahki emen staff sang ni Office en Public Affairs iangehr towehda kasarawi en Open House en Community Center pohn deke Pakihn me mwohni me wiahda center wet kohsang Seacology. Pali wet kin kak sawaski mwohni de grant ohng dekeh kan me kin insonohki kosonehdi wasahn nahk wahn sehd de me mehn waih kin patowan, Marine Protected Areas, (MPA).  

Tohn Pakein wia arail koasomw ansou me saih wet lela mwo. Wahn project kan me tohn deke Pakihn kin wia de momouhrki pil kasansalada. Saih en Acting Governor lelodohng ni kahlap en Pohnpei kulok 7:00 nisoutik en rahno oh soahng karos me soanamwahu. 

Ire Kapahieu, oh Keihmwseklahn ire , Audit de Doupen Sapwelimen Pohnpei Mwohni.

Kepina John Ehsa aledier kisin likou kis sang palien audit de palih ieu me tungoaleniki semen en tehk pwungin government ieu ah kin doadohngki nah mwohni kan tepda sang nan par en doadohk 2008-2012, oh re kasaledahr nan neirail report en audit me Government en Pohnpei sohte iang mimi nan kahpwal en doadohngki nah mwohn ni sapwungi.

Pwehki en Pohnpei ah doadoahngki money ah sohte kin tiala likin kosonned,elehiengehr ah kakehr peki de apply sawas en federal grant teikan me eh sohte kin iang ale oh doadohngki.

Kaselehlie, oh met kaihmwsakala Pohnpei met Radio Program No. 7-01.  

Kupwur ehu de mehmen me mie ah iren kalelepak de anahn me pid ire pisetik en ire oralap kan me sansalehr, komwi kak call Public Affair Office ni telephone number 320-2570 de Ohpis kan me apwahpwalih ehu ehu ire oralap kan me sansalehr.

 





Contact us for more info


image


image

imageWelcome to the Governor of Pohnpei Website........>Kaselehlie......>Pohnpei Met!
image