Image
image
image
image


PohnpeiMet Radio Program


POHNPEIMET RADIO PROGRAM NO. 3-13

Pohnpei met Radio Program iei program ehu me wiawihda pwehn kehkehsehki tohn Pohnpei ire oralap kesemwpwal kan me wiwiawi nan Ohpis en Kepina de me Pohnpei sohsohpai nan rahn pwukat.

 

Ire keiou, Keriaun Kepina iang towehda kasarawi me wiawieng irail Pohnpei Port Authority Security oh State police kan, Cliff Rainbow Hotel.

Ni August 5, 2013, Keriahun Kepina, Honorable Marcelo Peterson iang towehda kasarawih en keioun kasukuhl ohng Pohnpei Port Authority Security officers kan oh State police ong doadohngki kesik ni arail pahn wiwia arail pwuko, oh irail meh pehk limen koaros me pilipilda pwehn iang towehda kasukuhl wet. Ni kasarwi wet, Keriahun Kepina, wia sapwelime kaping kalahngan ong irail souhn kesik kan me sang Airport Police en Guam. Eh doula oh kasalehda me pwehki Pohnpei Port Authority me pil pwukohki keiridahn paih en wehi en Pohnpei, kasukuhl wet pahn wia sawas laud oh pil sewese irail State police kan nan arail pwukohn kolokol meleilei oh sonamwahu en wehi.

Ire Keriahu, Keriahu en Kepina oh Ambassaddor en U.S. dawih program en kaskuhl me pid kakohiekihla me pwulepwul kan ohng ni peipei ohperper ape.

Ni 6 en August, 2013, Keriahu en Kepina oh Ambassador en U.S dauwih program en kaskuhl ieu me Pwihn ieu nan kousapw Kahmar, nan Wein Nett, me pid kakohiekehla me pwulepwul kan ohng soangen koahiek en doahdoahk kan me duwehte pahda kopwou sang ni lirau, wiepen wiahda lihli, dok ohs, oh pil parada padil, oh songen mehn doadohk teikan. Program en kaskuhl wet pahn doulahng kaskuhl en palawar, wiahda ihmw en pohnpei oh doahdoahk me lap de laud teikan ansou me dipwisou en doadoahk mwahu pahn kaunopda. Mie nan plan en koauson wet ren kauada wasahn kasukuhl en tiahk ong me pwulopwul kan, wiawidahn cultural center me pahn kin pil kasamwohdo tourist, de souhn mwemweiht kan, wasahn kamadipw en pohnpei, oh wasahn netki wahn sahpw oh peihn seketail.

Ire kesiluh, pidada Biogas Project oh pelien Energy

Report en Ohpis en Economic Affairs me alahdier ni August 13, 2013, kasaledahr me Biogas Project doudoulahte mwowe oh project 8 imwseklahr oh wie doadoahkehr rehn soumwet akan me aledier. Project pahiou kapw me pil wiewiawi ansouet. Project en Biogas pwukat alehdi sawas en mwohni iangahki semen sang Government en China oh project pwukat kesempwal pwehki re pahn nekidala samin en pwisehn pwihk, wiahda gas en kuk oh iang sawas katikala apwal en liol me Pohnpei sohsohpai rahnpwukat pwehki atail sohla pahn kungki lioal ahpw ahng de kas me sang pwisehn pwihk me aramas pahn kin uhd kungki.

Ire kapahieu, eh pid doadohk en kamwauihala lioal me PUC wiewia rahn wet.

Report pil alahldisangehr palien PUC me ansou wet generator 5 me wie doadoahk ong weipokon.

Meeting pil wiawiher nan pwungen Governor, the Honorable John Ehsa, General Manager en PUC,Chairman en Board of Directors en PUC oh Energy Commision; oh re kosonnedier me Solar Panel System me Pohnpei ehukiengehr Ohpis en Energy FSM pahn kokouda Pohnlangas, Madolenihmw.

Ire kelimau, oh iei keimwiseklahn ire pidada kasarawihpen irail Peace Corps kapw kan.

Niesil en August 14, 2013, kasarawihn Peace corp volunteer 9 duwemen wiawiher ni Ohpis en Kepina. Keriahu en Kepina, The Honorable Marcelo Peterson me weliandier Kepina Keieu, The Honorable John Ehsa, oh wia sapwelime Kaping Keieu oh Pohnpei kaping kalahngan ong irail Peace corp volunteer kan iangahki karuhsie de pil palih kan me sawas me rasehng Education pwehki kaunopdahn en kaiahn oh kapeseh kan me wiawiher kahrehieng pweidahn irail pwihn en peace corp voluteer kan me kitail kasarawih arail kahulahn pwukoh rahn wet.

Keriaun kepina, kasalehda me irail pahn tuhoang sohng tohto ni ahr pahn lelahng nan arail wasahn kouson kan mie ansou pahn mwahu ekei pahn kansensuwed ahpw Ohpis en Kepina mehlel Kempa en Skuhl pahn wia wen sawas karos me kak pwe sonamwahu en mie oh pweidahn pwukohn kaskuhlih serih kan en kin patohn English en pweida.

Met kaihmwsakala Pohnpei met Radio Program No. 7-03.

oh Ngei Suannrita Ladore, me pahn kin sawas oh kalkalelehki tohn Pohnpei ire kesempwal akan me mwekimwekid nan Ohpis en Kepina.

 

Kupwur ehu de mehmen me mie ah iren kalelepak de anahn me pid ire pisetik en ire oralap kan me sansalehr, komwi kak call Public Affairs Office ni telephone number 320-2570 de Ohpis kan me apwahpwalih ehu ehu ire oralap kan me sansalehr.





Contact us for more info

image
 

image

imageWelcome to the Governor of Pohnpei Website........>Kaselehlie......>Pohnpei Met!
image